Hello Kitty幼稚症
29/10/2008
文： 深雪

在外國長大回港工作的男人說，他最看不過眼的香港女性行為，就是「Hello Kitty幼稚症」。他說，見過三十幾歲的香港女人一見Hello Kitty就發狂，一臉嬌俏地叫嚷，看得他毛管直豎。

我就說，其實，這種幼稚加嬌俏行為，是香港女人裝出來的，目的可謂極之用心良苦：她們之所以扮幼稚，就是為了靠近香港男人的程度。

這些一見Hello Kitty就發嗲的女人，可能同時候是投資能手，兼且酷愛思想，也關心社會和政治，她們之所以會扮幼稚低能，是因為她們知道，許多男人都不喜歡女人太叻太精明太成熟。扮幼稚扮低能，為的是讓男人減低防備心。無辦法，許多香港男人的事業運都比女性遜色，那麼，事業運節節上升的女人可以怎辦？惟有扮幼稚扮低能，用意讓男朋友去憐惜她呵護她。

男人在外國長大，西方社會一直崇尚早熟，十四歲的少女已化濃妝上學，大家都懂得欣賞成熟女性，通常認為火辣或高貴的女性最吸引。香港卻是相反，香港是一個崇尚青春和無知的社會。

要是香港男人肯對他們的女朋友說：「我鍾意你成熟世故！」那麼，香港女人就放心了，真的，以後都不用再扮細路女。

____________________________________________________________

其實三張幾嘅女人鍾意蛤蟆kitty，三張幾嘅男人都會鍾意超合金魂；

男人會不肖女人鍾意蛤蟆kitty，女人都一樣會笑男人玩超合金魂幼稚；

anyway各有所好本身就冇乜問題...

問題係呢位名為深雪嘅港女，

硬要將男人不肖女人鍾意蛤蟆kitty吹到係因為女人對男人嘅偉大，

呢個就係最大嘅問題.....

成篇野底蘊又係想踩底男人擡高女人，

身為一位略有名氣嘅作家，居然敢寫得出呢種牽強嘅自慰文章，

真係『厚顏無恥』得令人欽敬....

最後祝願呢位名為深雪嘅港女，呢世都可以只活響自己嘅世界，

脫離所有男人，唔駛再『用心良苦』為所有男人啦，阿門!!